អាហារសម្រាប់ទប់ស្កាត់រោគមុន

Posted by : Unknown Wednesday, December 26, 2012

នេះជាអាហារបីមុខដែលនៅពេលបរិភោគហើយអាចជួយកាត់បន្ថយសារជាតិខ្លាញ់ និងកម្ចាត់កោសិកាដែលខូចនៅលើផ្ទៃមុខមិនឲ្យកកស្ទះដែលជា មូលហេតុនាំកើតរោគមុន ជួយកាត់បន្ថយស្លាកស្នាមពីការកើតមុនលើផ្ទៃមុខ។ ក្រៅពីនេះនៅជួយស្បែកលើផ្ទៃមុខមានសំណើមយ៉ាងល្អទៀតផង។
រូបមន្តផ្លែប៉ោម-ទឹកឃ្មុំ ការពារការកើតមុននិងកាត់បន្ថយស្នាមអុជខ្មៅ

វិធីផ្សំៈ កិនផ្លែប៉ោមមួយផ្លែឲ្យម៉ដ្ឋ លាយជាមួយទឹកឃ្មុំពីរស្លាបព្រា ហើយយកមកបំពោកបរិវេណដែលកើតមុន ឬមានស្លាកស្នាមអុជខ្មៅដោយទុកចោលប្រហែល១៥នាទី ហើយសឹមលាង ទឹកក្តៅឧណ្ហៗ បន្ទាប់មកសម្អាតដោយទឹកធម្មតារួចហើយជូតមុខឲ្យស្ងួតវិញ។

រូបមន្ត ប៉េងប៉ោះ កាត់បន្ថយខ្លាញ់ កម្ចាត់កោសិកាដែលខូចចេញពីផ្ទៃមុខ
វិធីផ្សំៈ ចិញ្ច្រាំប៉េងប៉ោះមួយផ្លែឲ្យម៉ដ្ឋល្អ ហើយយកមកម៉ាស្សាថ្មមៗដោយ ទុកចោលរហូតសើមស្រពាប់ៗ ឬមានអារម្មណ៍ថាតឹងស្បែកមុខហើយសឹម លាងសម្អាតដោយទឹកស្អាតចេញមុននឹងផ្តិតផ្ទៃមុខឲ្យស្ងួត។

រូបមន្តឪឡឹក ជួយបន្ថែមសំណើមដល់ស្បែកមុខ

វិធីផ្សំៈ កិនផ្លែឪឡឹកពីរចំណិតធំល្មមរួចហើយយកទៅបំពោកលើផ្ទៃមុខដោយទុកចោលប្រហែល ១០នាទី ឬ រងចាំរហូតដល់មានអារម្មណ៍តឹងស្បែកមុខសឹមលាងចេញដោយទឹកក្តៅឧណ្ហៗ រួចលាងសម្អាតដោយទឹកធម្មតានិងជូតឲ្យស្ងួតវិញ។ ត្រូវឆ្លាស់គ្នាប្រើរូបមន្តផ្លែឈើទាំងបីឲ្យបានញឹកញាប់នោះស្បែកមុខរបស់ អ្នកនឹងប្រែសភាពស្រស់ស្រាយឡើងវិញជាក់ជាពុំខាន៕