៥ វិធីព្យាបាលបញ្ហាមុនបន្ទាប់ពីញេចរួច

Posted by : Unknown Wednesday, December 26, 2012

បុរសស្ត្រីភាគច្រើនតែងតែជួបប្រទះបញ្ហាផ្សេងៗ ដែលតែងតែកើតមាននៅលើផ្ទៃមុខរបស់អ្នកជាពិសេសនោះគឺ មុន។ នៅពេលដែលជួបប្រទះបញ្ហានេះ តែងតែធ្វើឱ្យបុរសស្ត្រីភាគច្រើនមានកង្វល់នៅក្នុងចិត្ត ហើយថែមទាំងមិនសូវមានទំនុកចិត្តលើខ្លួននៅពេលដែលដើរចេញទៅ កម្មវិធីណាមួយ។

តើគួរធ្វើយ៉ាងណា ដើម្បីព្យាបាលបញ្ហាមុនបន្ទាប់ពីញេចរួច ដើម្បីកុំឱ្យឆ្លងបាក់តេរីផ្សេងៗ? ថ្ងៃនេះយើងនឹងបង្ហាញជូននៅវិធីសាស្ត្រនៅក្នុងការព្យាបាលមុន បន្ទាប់ពីអ្នកធ្វើការញេចរួច។

ខាងក្រោមនេះ គឺជាវត្ថុងាយៗដែលអាចជួយព្យាបាលបញ្ហាមុខរបស់អ្នកបានបន្ទាប់ពីញិចរួច៖

១.Tea tree oil: ប្រេងតែបៃតងពីធម្មជាតិមាន Anti-bacterial សមស្របដែលអាចជួយ កម្ចាត់បញ្ហានៃការឆ្លងបាក់តេរីផ្សេងៗ ។ អ្នកអាចយកប្រេងតែពីធម្មជាតិ ២ ឬ ៣ ដំណក់បន្តក់ទៅលើសំឡី បន្ទាប់មកយកមកលាបនៅលើមុនរបស់អ្នក។ បន្ទាប់មកអ្នកត្រូវទុកវាឱ្យស្ងួតមួយរយៈ ហើយលាងសម្អាតវាដោយទឹកត្រជាក់។ វិធីសាស្ត្រនេះអាចជួយឱ្យស្បែកមុខរបស់អ្នកទន់ និងស្រស់ស្អាតឡើងវិញ។

២.ទឹកកក: នេះគឺជាវិធីសាស្ត្រដែលងាយស្រួលបំផុតដើម្បីកម្ចាត់បាក់តេរីដែលមាន នៅត្រង់មុននោះ។ លើសពីនេះទៅទៀត វាអាចជួយភ្ជិតប្រហោងមុខផងដែរ។ សូមចងចាំថា ប្រសិនបើមានបញ្ហារមាស់កំឡុងពេលដែលអ្នកយកទឹកកកមកដាក់នោះ សូមកុំបន្តទៀត ព្រោះថា ស្បែកមុខរបស់អ្នកមិនត្រូវជាមួយនិងការប្រើប្រាស់វត្ថុបែបនេះ។

៣.ទឺកខ្ទឹមស: ខ្ទឹមសមានអនុភាពខ្លាំងបំផុតដើម្បី ភ្ជិតនៅមុខរបួសក៏ដូចជាសម្លាប់បាក់តេរីផងដែរ។ បើទោះជាខ្ទឹមសមានក្លិនមិនល្អក៏ដោយ ប៉ុន្តែនៅពេលដែលអ្នកប្រើវាហើយទទួលបានលទ្ធផលល្អប្រសើរបំផុត។

៤.ជីអង្កាម និងទឹកឃ្មុំ: អ្នកអាចយកជីអង្កាមទៅបុកឱ្យម៉ត់ ហើយលាយជាមួយនិងទឹកឃ្មុំ បន្ទាប់មកយកវាមកលាបនៅលើផ្ទៃមុខរបស់អ្នក។ អ្នកក៏អាចប្រើប្រាស់វាដូចជា ម៉ាស់ធម្មជាតិ ដើម្បីមកលាបនៅលើមុខក៏បានដែរ ហើយលាងសម្អាតវាជាមួយនិងទឹកក្តៅអ៊ុនៗជាការស្រេច។

៥.ទឹកក្រូចឆ្មា: អ្នកអាចប្រើប្រាស់ទឹកក្រូចឆ្មាមកលាបនៅលើផ្ទៃមុខ ដើម្បីកម្ចាត់នៅបាក់តេរីដែលមាននៅលើផ្ទៃមុខរបស់អ្នក។ វិធីសាស្ត្រនេះអាចជួយឱ្យស្បែកមុខរបស់អ្នកស្ងួតព្រមទាំងកម្ចាត់ ខ្លាញ់នៅលើផ្ទៃមុខផងដែរ។