ភេសជ្ជៈទាំង៦មុខ ដែលអាចជួយឲ្យអ្នកមានស្មារតីស្វាងល្អ

Posted by : Unknown Wednesday, December 26, 2012

មិនថាជាអ្នកទ្រាំអត់ងងុយគេងដោយសារតែការមើលមេរៀនត្រៀមប្រលង ឬ បង្ហើយការងារសម្រាប់ការធ្វើបទបង្ហាញនៅការិយាល័យនៅព្រឹកស្អែក នោះទេ បញ្ហាតែមួយគត់ ដែលអ្នកនឹងត្រូវប្រឈមនោះគឺ ថាអ្នកត្រូវធ្វើយ៉ាងម៉េចកុំឲ្យខ្លួនអ្នកងងុយគេង។
ប៉ុន្តែសំណួរនោះ គឺសួរថា តើអ្នកអាចធ្វើបានយ៉ាងដូចម្តេច? ខាងក្រោមនេះ គឺជាប្រភេទភេសជ្ជៈប៉ុន្មានមុខដែលនឹងអាចជួយអ្នកប្រយុទ្ធប្រឆាំង នឹង ភាពងងុយគេងបាន ហើយវាអាចជួយធ្វើឲ្យអ្នកនៅមានស្មារតីភ្លឺស្វាងល្អ។
១.ទឹកសូកូឡា
ប្រភេទភេសជ្ជៈនៃរសជាតិសូកូឡា ជាពិសេសគឺ ទឹកដោះគោសូកូឡា គឺអាចជួយឲ្យអ្នកនៅស្វាងស្មារតីបានល្អ។ មូលហេតុនោះគឺ ដោយសារតែវត្តមាននៃជាតិ tyrosine ដែលមាននៅក្នុងទឹកដោះគោសូកូឡា ដែលវាបានបម្លែងទៅជា dopamine ដែលវា គឺជាសារជាតិផ្តល់ថាមពលម្យ៉ាង នឹងជួយប្រឆាំងនឹងភាពងងុយគេងបាន។
២.កាហ្វេ
តើមានអ្វីដែលល្អ ប្រសើរជាងកាហ្វេខ្មៅក្តៅមួយកែវទៀតនោះ? ជាការពិតភេសជ្ជៈប្រភេទកាហ្វេអ៊ីនមួយមុខនេះ គឺជាជម្រើសមួយដ៏ល្អបំផុត សម្រាប់អ្នកក្នុងករណីដែលអ្នកពិតជាចង់ទទួលបាននូវការមិនងងុយគេង ក្នុងពេលយប់។ គុណសម្បតិ្តរបស់កាហ្វេខ្មៅនោះគឺ ថា វាគ្រាន់តែមានតួនាទីជាអ្នកដាស់តឿន ហើយវាមិនមានលក្ខណៈដូចគ្នាទៅនឹងភេសជ្ជៈផ្តល់ថាមពលជាទៀងទាត់ ដទៃទៀត។ ដូច្នេះអ្នកមិនចាំបាច់មានការព្រួយបារម្ភពីការបន្ថែមរបស់ពួក វាទៅកាន់កាឡូរី របស់អ្នកនោះទេ។

៣.ទឹកតែយិនស៊ិន
អ្នកអាចនឹងមិនមែនជាជនដែល មានចំណូលចិត្តចំពោះតែដែលផ្សំពីឱសថបុរាណ ប៉ុន្តែប្រសិនបើអ្នកចង់ចៀសបានពីការងងុយគេងនៅក្នុងពេលយប់នោះ អ្នកអាចផឹកនូវទឹកតែយិនស៊ិន មុនពេលអ្នកចាប់ផ្តើមធ្វើការងារនៅក្នុងពេលយប់ ។ ជាការពិតវាក៏ជាជម្រើសដ៏ល្អសាកសមសម្រាប់ការផឹកវា នៅក្នុងពេលព្រឹកផងដែរ ដោយសារតែមូលហេតុដូចគ្នានេះ ។
៤.ទឹកត្រជាក់ដាក់ទឹកកក
តើអ្នកមានការឆ្ងល់ ណាស់មែនទេ ថាតើវាពិតជាអាចជួយអ្នកឲ្យស្វាងបាននោះ? ជាការពិតទូទឹកកក គឺជាមិត្តដ៏ល្អរបស់អ្នក ប្រសិនបើអ្នកចង់នៅមានស្មារតីភ្លឺស្វាងល្អនៅក្នុងពេលយប់។ អ្នកអាចបន្តធ្វើការងារក្នុងពេលយប់របស់អ្នកបាន ដោយគ្រាន់តែចាប់យកនូវទឹកត្រជាក់មួយដបមកផឹក ឬ យកវាមកលុបមុខ។ វានឹងអាចជួយមិនឲ្យអ្នកងងុយគេងបាន ដោយសារមូលហេតុពីរយ៉ាងគឺ សីតុណ្ហភាពត្រជាក់ នឹងជួយធ្វើឲ្យភាពងងុយគេងបានស្វាងមកវិញ និង ទីពីរនោះគឺ អ្នកនឹងត្រូវឧស្សាហ៍ទៅបន្ទប់ទឹកញឹកញាប់ជាងធម្មតា៕
៥.ស្រា
ប្រសិនបើ សូកូឡាអាចជួយឲ្យអ្នកអត់ងងុយគេងបាននោះវាពិតជាអាចជួយអ្នកឲ្យ ស្ថិតនៅឆ្ងាយពីគ្រែ ហើយស្រាអាចនឹងជួយឲ្យអ្នកងងុយគេងវិញបានភ្លាមៗ ប៉ុន្តែបន្ទាប់ពីវាអស់ប្រសិទ្ធភាពនោះអ្នកនឹងមិនអាចគេងបានទៀត ទេ បើទោះជាអ្នកបានព្យាយាមយ៉ាងណាក៏ដោយ។ ពេលនេះវាអាចមិនមែនជាជម្រើសដ៏ល្អ ក្នុងការស្រវឹងនោះទេ ប្រសិនបើអ្នក នៅមានការងារជាច្រើន ដែលកំពុងរង់ចាំអ្នកនោះ ប៉ុន្តែវាក៏បានផ្តល់នូវហេតុផលមួយផងដែរ ថាអ្នកមិនគួរខកខាននឹងទៅចូលរួមក្នុងកម្មវិធីជប់លៀង ដោយសារតែអ្នកនៅមានការងារជាច្រើនដែលត្រូវធ្វើនៅក្នុងពេលយប់នេះ ទេ។
៦.ភេសជ្ជៈប៉ូវកម្លាំង
យើងមិនចាំបាច់លើកយក ការផ្សព្វផ្សាយនូវប្រភេទជាច្រើននៃ ម៉ាកផលិផលនៃភេសជ្ជៈប៉ូវកម្លាំងនោះទេ តែអ្នកអាចជ្រើសរើស រកទិញវាបាននៅតាមទីផ្សានានា។ ពួកវាមិនត្រឹមតែមានរសជាតិឈ្ងុយឆ្ងាញ់ទេ ប៉ុន្តែវាក៏អាចផ្តល់ឲ្យអ្នក បានផងដែរនូវថាមពល និង ដាស់ស្មារតីអ្នកឲ្យនៅភ្លឺស្វាងល្អនៅក្នុងពេលយប់។ ប៉ុន្តែរាល់វត្ថុអ្វីៗ ដែលល្អនោះវាក៏មានចំណុចអវិជ្ជមានរបស់វាផងដែរ ហើយវាប្រាកដណាស់ចំពោះភេសជ្ជៈផ្តល់ថាមពលប្រភេទនេះ ដោយសារតែនៅពេលដែលប្រសិទ្ធភាពរបស់ពួកវាចុះខ្សោយ នោះវានឹងកាន់តែធ្វើឲ្យអ្នកអស់កម្លាំងជាងមុនទៅទៀត។