ម៉ាសធម្មជាតិជួយឱ្យស្បែកស្រស់ថ្លា

Posted by : Unknown Wednesday, December 26, 2012

កាលពីពេលមុនៗ ធ្លាប់បានបង្ហាញនៅវិធីសាស្ត្របែបធម្មជាតិជាច្រើនយ៉ាងដែលជួយឱ្យ ស្បែកមុខភ្លឺ និងស្រស់ថ្លា។ ដោយឡែកនៅក្នុងថ្ងៃនេះក៏មិនខុសពីថ្ងៃមុនៗដែរយើងនឹងបង្ហាញជូន នៅវិធីសាស្ត្រថ្មីមួយទៀតដើម្បីជួយឱ្យស្បែកមុខស្រអាប់ប្រែជា ស្រស់ថ្លា។
អ្វីដែលអ្នកត្រូវការចាំបាច់សម្រាប់ផ្សំជាម៉ាសសម្រាប់ជួយឱ្យ ស្បែកស្រស់ថ្លានោះមានម្សៅទឹកដោះគោ ទឹកក្រូចឆ្មា និងប្រេងអាល់ម៉ុន ។
អ្នកគ្រាន់តែយកម្សៅទឹកដោះគោ ១ស្លាបព្រា ទឹកក្រូចឆ្មា ១ស្លាបព្រា និងប្រេងអាល់ម៉ុន ១ស្លាបព្រា។ បន្ទាប់មកយកវាមកលាយចូលគ្នាឱ្យសព្វរហូតក្លាយជាល្បាយទាំង៣នេះ ចូលគ្នា។
បន្ទាប់មកយកល្បាយដែលបានលាយនោះមកលាបនៅលើមុខរបស់អ្នករួចទុក រយៈពេល ១០នាទី ហើយលាងទឹកសម្អាតចេញដោយទឹកក្តៅអ៊ុនៗជាការស្រេច។
ម៉ាសបែបនេះអាចជួយឱ្យស្បែកមុខរបស់អ្នកស្រស់ថ្លា និងបំបាត់ស្នាមអុជខ្មៅបាន។ អ្នកអាចអនុវត្តនៅវិធីសាស្ត្របែបនេះ១ដងក្នុងមួយសប្តាហ៍ ដើម្បីទទួលបានស្បែកមុខស្រស់ថ្លា និងបាត់ស្នាមអុជខ្មៅ។