ថែរក្សាស្បែកបែបណាពេលធ្វើការមុខកុំព្យូទ័រ

Posted by : Unknown Wednesday, December 26, 2012

តើអ្នកជាមនុស្សដែលធ្វើការនៅខាងមុខកុំព្យូទ័រមែនទេ? អ្នកសង្កេតឃើញទេថា ស្បែករបស់អ្នកមានភាពស្ងួតស្នាមអុជខ្មៅ និងមិនមានភាពភ្លឺរលោងដែរឬទេ
នៅពេលដែលអ្នកធ្វើការនៅខាងមុខកុំព្យូទ័រដូច្នេះ? ជាការពិតណាស់ស្បែករបស់អ្នកអាចមានភាពស្ងួត នៅពេលដែលអ្នកអង្គុយធ្វើការនៅខាងមុខកុំព្យូទ័រយូរពេក។
ថ្ងៃនេះនាងនឹងបង្ហាញជូនដល់ប្រិយមិត្តទាំងអស់គ្នានៅ វិធីសាស្ត្រនៃការថែរក្សាស្បែកសម្រាប់អ្នកធ្វើការនៅខាងមុខកុំព្យូទ័រ ជារៀងរាល់ថ្ងៃ។
ខាងក្រោមនេះ គឺជាវិធីសាស្ត្រថែរក្សាស្បែកសម្រាប់អ្នកធ្វើការនៅខាងមុខកុំព្យូទ័រ ៖
១. អង្គុយឱ្យឆ្ងាយពីកុំព្យូទ័រ: វិធីសាស្ត្រនេះមិនត្រឹមតែអាចជួយកាត់បន្ថយបញ្ហាខូចស្បែកពី កុំព្យូទ័រនោះទេ ប៉ុន្តែវាថែមទាំងជួយការពារភ្នែករបស់អ្នកកុំឱ្យភ្នែករបស់ខូច ទៀតផង។
២. លាបឡេផ្តល់សំណើមដល់ស្បែកទាំងស្បែកមុខ និងស្បែកខ្លួន: ការលាបឡេផ្តល់សំណើមដល់ស្បែកអាចជួយកាតបន្ថយកំដៅដែលជះចេញពី កុំព្យូទ័របាន។
៣. ប្រើប្រាស់ទឹកជំនួសឱ្យម៉ាស៊ីនផ្តល់សំណើម: ក្រៅពីលាបឡេថែរក្សាស្បែកហើយ អ្នកគួរតែយកទឹកមួយចានមកដាក់នៅក្បែរកុំព្យូទ័រ ដើម្បីជួយផ្តល់សំណើមដល់ស្បែក និងកុំឱ្យស្បែកមុខរបស់អ្នកចាស់មុនអាយុ។
៤. សម្រាកនៅខាងមុខកុំព្យូទ័រខ្លះ: មានន័យថា អ្នកមិនគួរអង្គុយនៅខាងមុខកុំព្យូទ័រយូរពេកនោះទេ អ្នកគួរតែសម្រាក និងដើរចេញទៅមើលទេសភាពខាងក្រៅខ្លះ ដើម្បីកុំឱ្យស្បែករបស់អ្នកបាត់បង់សំណើម និងខូចភ្នែក។
៥. កាត់បន្ថយភាពស្មុគស្មាញដោយការធ្វើលំហាត់ប្រាណបែបងាយៗសមស្រប និងបរិយាកាស ព្រមទាំងទីកន្លែងដែលអ្នកកំពុងតែធ្វើការ។
៦. ពត់ដៃ និងជើង ដើម្បីឱ្យមានចលនាកាត់បន្ថយពីភាពស្ពឹកស្រពន់ នឿយហត់ ព្រមទាំងជួយឱ្យចលនាឈាមដើរស្រួល។
៧. បើកបង្អួច ឬទ្វារ ប្រសិនបើមានដើម្បីឱ្យខ្យល់អាកាសបរិសុទ្ធចេញចូលបានល្អដែលនាំមកនៅ អុកស៊ីសែនចូលក្នុងបរិយាកាសដែលអ្នកកំពុងធ្វើការ។