ថែរក្សាស្បែកបរិវេណភ្នែកដោយរបៀបណា?

Posted by : Unknown Wednesday, December 26, 2012

ស្បែកនៅបរិវេណជុំវិញភ្នែកគឺជាផ្នែកមួយដ៏សំខាន់នៅក្នុងការលើក សម្រស់ផ្ទៃមុខរបស់អ្នកទាំងមូល។ បើស្បែកនៅបរិវេណភ្នែកមិនស្រស់ស្អាតហើយនោះ សម្រស់ផ្ទៃមុខរបស់អ្នកក៏អន់ថយទៅតាមនោះដែរ។
តើធ្វើយ៉ាងណាទើបអាចជៀសផុតពីបញ្ហាភ្នែកមានថ្នក់ខ្មៅ និងស្រអាប់? ថ្ងៃនេះនឹងបង្ហាញជូននៅវិធីសាស្ត្រខ្លះៗ ដើម្បីជួយឱ្យស្បែកបរិវេណភ្នែករបស់អ្នកប្រែមកជាស្រស់ស្អាតឡើង វិញ។
វិធីសាស្ត្រទាំងនោះមានដូចខាងក្រោម៖
១. យកប៉េងប៉ោះមកផ្សំជាម៉ាសដើម្បីបំបាត់ថ្នក់ភ្នែក និងស្នាមអុជខ្មៅនៅលើស្បែកបរិវេណភ្នែករបស់អ្នក។ យកប៉េងប៉ោះមកកិនវាឱ្យម៉ត់រហូតដល់វាក្លាយជាល្បាយ បន្ទាប់មកយកវាមកលាបនៅលើស្បែកបរិវេណភ្នែកធ្វើបែបនេះអាចធ្វើឱ្យ កាត់បន្ថយនៅថ្នក់ភ្នែក និងស្នាមខ្មៅបាន ។
២. យកទឹកប្រេងអាល់ម៉ុន ២ ឬ ៣ ដំណក់មកម៉ាស្សាថ្នមនៅស្បែកក្រោមភ្នែករបស់អ្នកដើម្បីបំបាត់ស្នាមខ្មៅ និងថ្នក់ភ្នែក។
៣. យកសំឡីជ្រលក់ចូលក្នុងទឹកកក បន្ទាប់មកយកវាមកម៉ាស្សានៅបរិវេណភ្នែករបស់អ្នកថ្នមៗ រហូតដល់ភ្នែករបស់អ្នកឡើងក្តៅអ៊ុនៗ។ វិធីសាស្ត្រនេះអាចធ្វើឱ្យបាត់ថ្នក់ភ្នែក និងស្នាមខ្មៅនៅបរិវេណក្រោមភ្នែក។
៤. យកផ្លែត្រសក់ដែលអ្នកបានដាក់ក្នុងទូទឹកកកឱ្យត្រជាក់ បន្ទាប់មកកាត់វាជាបន្ទះក្រាស់ល្មម ហើយយកវាមកបិតនៅបរិវេណភ្នែករបស់អ្នក។ វិធីសាស្ត្របែបនេះមិនត្រឹមតែអាចធ្វើឱ្យបាត់ថ្នក់ភ្នែកប៉ុណ្ណោះ ទេ ប៉ុន្តែថែមទាំងអាចជួយឱ្យអ្នកស្រស់ស្រាយទៀតផង។
៥. វិធីសាស្ត្រមួយទៀតនោះគឺ យកTea bag ហើយដាក់ទឹកកមួយដុំ បន្ទាប់មកយកវាទៅស្អំនៅបរិវេណភ្នែកថ្មម។