ចំណុចគួរប្រយ័ត្នក្នុងការជ្រើសរើសសាប៊ូកក់សក់

Posted by : Unknown Wednesday, December 26, 2012

បើតាមអ្នកជំនាញបានឱ្យដឹងថា សាប៊ូមួយចំនួនមានសមាស-ធាតុផ្សំរបស់សារធាតុគីមី ដែលអាចបង្កគ្រោះថ្នាក់ដល់ស្បែកក្បាលបាន។ សាប៊ូគ្រប់ប្រភេទប្រកបដោយសមាសធាតុរបស់សារធាតុ-កម្ចាត់កំណក និងភាពកខ្វក់ដែលមានច្រើនប្រភេទ និងមានភាពខ្លាំងក្លាខុសៗគ្នា។
នេះជាមូលហេតុដែលថា ហេតុអ្វីទើបមិនគួរប្រើសាប៊ូ-ដុសខ្លួនយកមកកក់សក់ដោយសារសារធាតុ កម្ចាត់ភាពកខ្វក់ក្នុងសាប៊ូនោះមានអានុភាពខ្លាំងពេកដែលធ្វើឱ្យ សក់ជ្រុះបាន។
សមាសធាតុផ្សំផ្សេងៗ ដែលគួរចៀសវាង គឺពួកសារធាតុគីមី ការពារជូរផ្អូមដូចជា អាម៉ូនីញ៉ូម ឡូរីល ស៊ុលហ្វាត ជាសារធាតុគីមីខ្លាំងណាស់ បើអ្នកច្រឡំទុកនៅកន្លែងដែលមានសីតុណ្ហភាពខ្ពស់ វាអាចបញ្ចោញឧស្ម័នអាម៉ូញាក់ចេញមក។
បើអ្នកប្រើសាប៊ូដែលជាបាសច្រើនហើយថែមទាំងផ្សំសារធាតុគីមី នឹងធ្វើឱ្យសក់របស់អ្នកជ្រុះនិងបាត់បង់ជាតិសំណើមតាមធម្មជាតិជា លទ្ធផលគឺ សក់ស្ងួតក្រៀមថែមទាំងបែកចុងទៀតផង។
អ្វីដែលគួរឱ្យប្រយ័ត្ន គឺសារធាតុសូដ្យូមក្លរីដដែលអ្នកផលិតតែងយកមកផ្សំ ព្រោះជាសារធាតុមានតម្លៃថោកដែលធ្វើឱ្យសាច់សាប៊ូខាប់តែចំណុច អាក្រក់គឺ ធ្វើឱ្យជាតិប្រេងដែលមាន ប្រយោជន៍ចំពោះសរសៃសក់បាត់បង់អស់ ហើយសាប៊ូដែលល្អត្រូវគ្មានសមាសធាតុផ្សំរបស់អំបិល។
អ្នកគួរចាប់ផ្តើមពីសាប៊ូខ្សោយៗ និងមានសមាសធាតុដែលជាធម្មជាតិច្រើនបំផុត។ ភាគច្រើនផលិតផលពីរុក្ខឱសថជាសាប៊ូដែលមានតម្លៃថ្លៃជាងទីផ្សារ ទូទៅ ដោយសារវាមានសមាសធាតុផ្សំដែលថ្លៃជាងនោះឯង៕